• Oetverkoch!
    V`r kónne greuts melje det alle veursjtèllinge toet de lèste sjtool zin oetverkoch!
    Mesjien binnekórt meer nuutjs; haaj dees site inne gate daoveur!
  • Veurverkoup
    Zaoterdig 13 september tösse 16.30 en 18.30 in "De Mert". €15 per kaertje.
  • Begunsigers
    `T organizere van ein revu kos väöl tied, mer ouch de neudige sente. Wilt geur ós daorom óngersjteune? Kiek hiej wie det wirk.
  • Twitter
    Volg ós ouch op Twitter: @revuzjwame2014 
  • Benuujd?
    Benuujd waat hiej gebeurd? Haaj dees site inne gate om dao achter te kómme!
  • Filmke
    Wilt geur eine indrök kriege van wie de zangrippetiesies verloupe? Klik den hiej!
  • Veurpreufke
    De sjpelers vanne Zjwamer Revu gaeve 2 keer ein veurpreufke: zónjig 20 juli oppe mert in Bezel en zónjig 31 augustus oppe Sjómmelmert in Zjwame. Kóm kieke en laot uch verrasse!
  • Publikasies

    Ónger "publikasies" vinjt g`r de artiekkele zo-es die zin versjene in de media.

  • Facebook

    Kiek ouch op ózze Facebook-pagina: zjwamer.revu

  • Desember 2013

    Op zaoterdig 21 desember vónj de aaftrap vanne Zjwamer Revu plaats biej kefee Thijs & Wilma.

  • Website

    De website is inne lóch!

’t Óntsjtaon

Begin 2011 haet eine kleine groep Zjwamer luuj de köp biejein gesjtaoke. Ze vónje ’t tied om ’t Zjwaams weer ’ns ónger de aandach te bringe. De grote vraog waas: "Wie duis se zoget"?

Mit ein Zjwamer Revu! D’r waas al jaore gein revu meer opgeveurd en det leek in häör ouge waal ein sjoon plan.

Allereers mós se den aevel ouch ideeje höbbe waas se wils gaon bringe en ein drejbook bedinke. De Zjwaam, die wie eine sjlinger door ós dörp stjruimp, is ein dankbaar óngerwerp waat dus ouch es roje draod door de ganse oetveuring zal loupe. Ouch mót de revu veur jónk en aad aantrèkkelik zin, herkènbaar veur idderein, en vanzelfsjpraekend in ’t Zjwaams plat.

Tekssjrievers ginge aan de sjlaag, want sónger tekste gein veursjtèlling.

D’r waerde ein besjtuur samegesjtèld en oeteindelik waerde op 2 april 2012 de Sjtichting Zjwamer Revu opgerich. Mitwèrkers waerde gezóch en deskundig advies ingewónne. Samewèrking mit de MHVS en het Zjwaams Waordebook zoje nog meer mit kènne helpe óm ’t Zjwaams dialek ónger de aandach te bringe.

Noe, 3 jaor wiejer, kènne veur zègke det d’r al ein groot aantal miense bereid gevónje is óm, of mit te sjpele, te zinge, te regissere of geweun achter de sjerme get te wille doen.

Oeteindelik zólle den in oktober/november 2014 de oetveuringe zin in de aula van ’t Bisschoppelijk College (veurhaer Boots College).

Blief de site volge veur ’t lèste nuujs.